شاهد| مبارك: العالم كله “مستهيفنا” دلوقت.. والدليل “سد النهضة”

انتقد المخلوع حسني مبارك، وضْع مصر في ظل حكم قائد الانقلاب عبدالفتاح السيسي، مؤكدًا تراجع مكانة البلاد بشكل كبير، وأصبح الجميع “يستهيفنا”.

ونشرت صفحة “آسف يا ريس”، اليوم الإثنين، تسجيلا صوتيا لمبارك، قال فيه: “كنت أستطيع ضرب سد النهضة بطائرة واحدة.. ماجرؤوش يفتحوا بقهم معايا.. عملوا اتفاقية عنتيبي.. روحت لافف على الثلاث دول عشان ما يمضوش فتقف.. فوقفت”، مضيفا: “كلمت رواندا وبوروندى وأوغندا.. الثلاث دول قالوا مش هنمضي”.

وأضاف مبارك قائلا: “راح لهم أبوالغار كان معاه وفد شعبي.. قعدوا الإثيوبيين يخبطوا فيا جامد ومعاهم بعض المصريين بيشتموا.. شوف الوقاحة.. قام أبوالغار قال لهم انتوا بتشتموا مبارك ليه؟.. قالوا في مدة حكمه مقدرناش نفكر في السد ده خالص، كان مانعنا وكنا خايفين منه”.

وتابع مبارك قائلًا: كان عندي أيامها طائرة التوبوليف أقدر أضرب السد وأخلص عليه في طلعة واحدة، إلا أن هذه الطائرة لم تعد موجودة الآن في مصر، مضيفا: “هاتضرب سد دلوقتي تقع مع كل الأفارقة؟.. هو كان سانده موسيفيني بتاع أوغندا ورواندا وبورندى.. وكلمت كينيا واتفقت معاهم ما يمضوش على عنتيبي.. ما كانوش بيجيبولي سيرة السد ده.. سكتوا.. لما لاقوني كاشش فيهم سكتوا”.

واستطرد مبارك قائلا: “أول ما مشيت.. تنحيت جم في أبريل 2011 ابتدوا على طول.. قالك دول مضروبين ولا حد ها يقولنا بتعملوا إيه.. وخلاص انتهي وحياتك وهيبنوه”.

واختتم مبارك قائلا: “العالم كله مستهيفنا دلوقتي.. العالم كله عرف إن إحنا بلد ضعيفة جدًا.. مع إن كان لنا قيمة كبيرة جدًا في العالم”.