صاحبة مقولة “اغمز بعينك يا سيسي” للانقلاب: أحيه

أكدت الكاتبة المصرية المؤيدة للانقلاب “غادة شريف”، صاحبة مقال “اغمز بعينك يا سيسي”، توقعات المحلل السياسي الدكتور محمد الجوادي بما سيحدث بعد إسقاط الانقلاب العسكري في مصر، الذي تنبأ بندم الداعمين له ومعاناتهم بشكل كبير.

وشنت “غادة” هجومًا شرسًا على حديث الداعية الحبيب علي الجفري أثناء حضوره اللقاء الأخير لرئيس الانقلاب عبدالفتاح السيسي، وقالت في تدوينة عبر حسابها بـ”فيس بوك”: “ايه لزمة إننا نجيب شيخ يمنى علشان يقولنا إحمدوا ربنا إنكم مش اليمن؟.. هو فيه مؤامرة تتعمل على بلدك أكتر من انها تتدمر تماما بالحرب وتتقسم بلدين بسور عظيم زى ما حصل مع ألمانيا، أو إنهم يشلفطوك بقنبلة نووية و بعد كده يمنعوك من أن يكون عندك جيش وطنى زى ما حصل مع اليابان؟

هل فيه وطن ضاع أكتر من أوطان البلدين دول؟ لكن وقتها حكام البلدين دول كانوا عارفين كويس التعليم بيعمل ايه فى وطن بيضيع، فعلشان كده سلّحوا بلادهم بالتعليم وركزوا عليه، وشوف بقينا فين يا قلبى وهمّ راحوا لفين (يا دَهوِووووووتيييييى)”.

وأضافت: “مش احنا رايحين نسلم التعليم لشارابينى اللى مايعرفش حتى يستهجى اسمه، ومطلع شارابينه ع العيال.. وبعد كده نجيب شيخ يمنى هو أصلاً مقيم فى مصر من قبل بلاده ما تتبعتر، علشان يقولنا إحمدوا ربنا أنكم مش اليمن.. أحييه وكمان أحيييه وإدينى واحدة ثالثة أحيييييييه.. ده أكيد دلوقت قادة ألمانيا واليابان بيضحكوا ع العك اللى بنعكه حاليا وبيقولوا لشعوبهم احمدوا ربنا إنكم مش مصر”.

جدير بالذكر أن “الجوادي” كتب في وقت سابق عبر صفحته على فيس بوك: “سوف ينتهي الانقلاب إن شاء الله، وسترون في أقطابه ما رآه آباؤكم في العسكر من ذل وتشريد، وسترون الداعمين يمدون أيديهم ليأخذوا صدقاتكم.. لكن لن ينتهي الانقلاب إلا بعد أن يبكي بالدم الساخن كل من كانوا معه”.