ياللي خايف من الإخوان.. أخبار البلد إيه؟

وجه الكاتب والسيناريست عمرو سمير عاطف رسالة إلى مؤيدي عزل الرئيس محمد مرسي حول ما آلت إليه البلاد؛ نتيجة النظام الذي جاء بعده، مشيرًا إلى أن كل الأسباب التي أدت للانقلاب ما زالت موجودة حتى الآن بل تفاقم الوضع.

وقال “عاطف”، في تدوينة له على “فيس بوك”: “أنت كنت خايف من الإخوان عشان السياحة هاتبوظ؟ أخبار السياحة إيه دلوقتى؟ كنت خايف من الإخوان عشان حرية الفكر؟ أخبار حرية الفكر إيه دلوقتى؟ كنت خايف من الإخوان أحسن العالم يحاصرنا وسمعتنا تبقي وحشة؟ أخبار سمعتنا إيه دلوقتى؟ كنت خايف من الإخوان عشان الاقتصاد هاينهار؟ أخبار الجنيه إيه دلوقتى؟ كنت خايف من الإخوان عشان القمع والاستبداد؟ أخبار الحرية إيه دلوقتى؟”.

وأضاف: “كان زماننا بنستعد لانتخابات رئاسية جديدة نمشي بيها مرسي والإخوان ونجيب حد تانى أحسن بس أنت صح وتحيا مصر قوم بقي ادفع فاتورة الكهربا الجديدة وشوف العربية اللى أنت كنت بتحلم إنك تشتريها في يوم من الأيام بقت بكام ولو أنت راجل جرب تاخد فيزا لأي دولة فى العالم بجواز سفرك المصري”.

وتشهد مصر في ظل الانقلاب العسكري أوضاعا مأساوية غير مسبوقة في تاريخها، وسط انهيار اقتصادي كبير ، ووصول الديون الخارجية لأكثر من 103 مليار دولار، وتجاوز الديون الداخلية أكثر من 4 تريليون جنية، وتراجع كافة مؤشرات الحياة، من صحة وحرية وتعليم وشفافية وجودة الحياة …ةغيرها من الانهيارات المتلاحقة!!