أبو عرايس يفضح عضو “تمرد” فى واقعة “حجازي ومذبحة بورسعيد”

كشف سامح أبوعرايس -مدير حملة أبناء مبارك السابق- عن أكاذيب عضو تمرد  محمد النبوى، التي قالها بحق الداعية الإسلامى الدكتور صفوت حجازى فى واقعة “مذبحة استاد بورسعيد”!

وقال عرايس -فى تدوينة عبر “فيس بوك”: محمد النبوي بتاع تمرد عمل اتصال مع أحمد موسى بيقول إن صفوت حجازي بلغه بمذبحة بورسعيد قبل حدوثها بعشر دقائق.. فاتصل فورا باللواء حمدي بدين مدير الشرطة العسكرية وقتها علشان يبلغه.. علما بأن محمد النبوي وقتها كان بيهتف يسقط حكم العسكر.. وعامل انه ضد المجلس العسكري.. كده فضح نفسه”.

وأضاف “يعني انت من البداية أمنجي وشغال مع المجلس العسكري في السر.. وكان معاك تليفون حمدي بدين وبتكلمه عادي.. وانت بتظهر قدام الناس إنك ضد المجلس.. يبقى ببساطة انت كذاب.. ويبقى صفوت حجازي غالبا مقالش على مذبحة بورسعيد أو كل الكذب اللي ادعيته ده.. ويبقى غالبا اللي كانوا مشغلينك قبل كده هم اللي أمروك تتصل بالبرنامج وتقول الكلام ده دلوقت.. علشان تلبسها للإخوان.. كشفت نفسك يا حلو.. وكشفت الترتيبات اللي بتحصل مع ناس كثير من اللي بيظهروا إنهم كانوا مع الإخوان أو الثوار ويقولوا دلوقت شهادات ضدهم علشان يخدعوا الغلابة”!!

جدير بالذكر أن محمد نبوي ادعى خلال برنامج “أحمد موسى” على قناة صدى البلد الأحد، أن الدكتور صفوت حجازي، كان على دراية بتوقيت مذبحة بورسعيد.

ويشار إلى أن مذبحة استاد بورسعيد وقعت داخل استاد بورسعيد مساء الأربعاء 1 فبراير 2012 فى (الذكرى الأولى لموقعة الجمل) عقب مباراة كرة قدم بين المصري والأهلي، وراح ضحيتها 72 شهيدا ومئات المصابين، حسب ما أعلنت مديرية الشئون الصحية في بورسعيد.. وهي أكبر كارثة في تاريخ الرياضة المصرية.