مهندسة تفضح تحطيم “العسكر” لطموحات صنّاع الأثاث بإلغاء معرض “لو مارشيه”

بعدما أعلن بالأمس إدارة معرض “لومارشيه Le Marché”، لعملائه أن “أكبر” معرض للأثاث والديكور فى مصر سوف يقام فى موعده المقرر من ٢٢ الى ٢٥ ديسمبر، فوجئ العارضين بدخول قوات من أفرع “داخلية” الانقلاب مدججة بالسلاح لتحطيم خيام و”استندات” الشركات بقاعة المؤتمرات وطردت جميع الحضور خارج مكان العرض.

وقالت مهندسة الديكور دينا هشام الشيخ عبر حسابها على الفيس بوك توضيحا عنونته “لكل اللي عايزين يعرفو الحكاية بتاعة معرض لو مارشيه”.

وقالت في منشورها “المعرض كان المفروض هيبتدي يوم الخميس ٢٢ ديسمبر، والإعلانات نزلت في وسائل الإعلام كلها والعارضين دفعو الفلوس وإدارة المعرض استلمت الشيكات ودفعت لقاعة المؤتمرات وكل حاجة تمام زي كل سنة”.

ونبهت إلى أنه قبل “حوالي أسبوع ترددت أنباء أن المعرض هيتلغي، طبعا كله بقي بيلطم علي وشه ازاي يتلغي دلوقتي؟! طب والتحضيرات؟! طب والفلوس اللي اتصرفت؟! طب وخراب البيوت؟! طب حتي قولولنا ايه السبب!!!! المهم ابتدت الأقاويل تكتر، فيه اللي يقولك لأسباب أمنية علشان أحداث الكنيسة، وفيه اللي يقولك لتأديب طارق نور صاحب معرض “لو مارشيه” علشان إبراهيم عيسي تجاوز حدوده على قناه القاهرة والناس اللي بيمتلكها طارق نور، وفيه اللي يقولك مافيش معارض هتتعمل تاني”.

وتابعت “المهم، العارضين عملو استغاثات عن طريق منشورات في الجرائد بيناشدو سيادة ( ) عبدالفتاح السيسي للتدخل في الموضوع لأن كده بيتهم هيتخرب”.

وأنه بالأمس فقط سمح بذلك وعليه نشرت صفحة “لومارشيه” إعلانها الفائت، ولكن حدث ما لا يحمد عقباه، فقالت: “وامبارح بالليل الموضوع اتحل ورجعوا المعرض وطلعوا التصاريح بدخول العارضين والإعلانات اشتغلت تاني والعارضين أرسلو عربايتهم ودخلو قاعة المؤتمرات وركبوا الاستندات بتاعتهم وخلاص الفرش هيدخل، وفجاة من حوالي ساعتين؛ دخلت قوات من أمن الدولة والجيش وضربو جرس الإنذار في قاعة المؤتمرات وهدموا وكسروا كل الاستندات فوق رؤوس أصحابها!!!!!!! وقالو ما فيش معارض هتتعمل هنا كله برا!!!!”.

وتساءلت “م.دينا”، “ليه؟! ليه طيب قولتو امبارح خلاص موافقين عالمعرض ودخلتو العارضين وركبو الاستندات؟! ليه ماقولتوش لا مافيش معرض وخلاص؟! ليه تهدو تعب وفلوس وتكسروها قدام أصحابها وتكسرو نفسهم؟! ليه تخربو بيوتهم وتضيعو فلوسهم وتعبهم؟!

ليه القهرة دي؟! ليه الذل ده؟! طب مين كدة هيكون ليه نفس يشتغل وينتج في أم البلد دي؟! مالناش غير ربنا نلجأ إليه، حسبي الله ونعم الوكيل..”.

وأضافت هاشتاج بعنوان “#مسخرة_معرض_لو_مارشيه_للاثاث”