ماذا حدث للفنانة نشوى مصطفى بعد غرق فيلتها بالتجمع؟

نشرت الفنانة نشوى مصطفى مقطع فيديو لها، عبر حسابها على موقع التواصل الاجتماعي فيس بوك، وهي تستغيث بالنجدة لإنقاذ منزلها من الغرق، مشيرة إلى وجود انسداد فى بالوعات المياه أدى إلى غرق منزلها، وانقطاع الكهرباء في الوقت ذاته، وعدم تدخّل أيّ جهات لإنقاذها.

وقالت نشوى في الفيديو: “بحاول اتّصل بالنجدة التليفون مبيردش، مياه الأمطار كلها بتنزل عندي في البيت عشان البلاعات مسدودة، لو حد يقدر يساعدني يقولي أعمل إيه أو أتصل بمين، البيت بيغرق فعلًا، والكهرباء كمان اتقطعت”.

إلا أنه فى غضون ساعات على استغاثة “مصطفى” حدث ما حدث، حيث قالت عبر فيس بوك: “اللي حصل فى التجمع الخامس مش مسئولية الحكومة الحالية، التجمع الخامس وإنشاء البنية التحتية كانت فى عهد الوزير إبراهيم سليمان، محاكمة الفاسدين بأثر رجعى واجب آنى علشان يبقوا عبرة لأى فاسد فى أى وقت.. وتحيا مصر”.

ثم عادت فقالت: “ومهما حصل حتفضل مصر أفضل بلد فى الدنيا، بترابها وزحمتها وزعابيبها وأمطارها.. بأهلها الطيبين عشاق ترابها.. الكارهين يشربوا من أقرب بلاعة ويرزعوا أى هطل علشان يحسوا إن ليهم قيمة.. تحيا مصر”.

ثم أضافت “فى جمهورية الفيسبوك أهم الثورات للسادة الكيبورديين زمنها من يومين لتلات أيام.. كل كيبوردى من دول يعيش البطولة فى كام بوست ينتشى ويشرب بكام لايك على كام تعليق، يحسسوه إنه مهم من شوية الكيبورديين أصحابه”.

آلو.. أنا النقيب أشرف

أحد النشطاء علق ساخرا على الأمر فقال: “عندما يرن جرس الهاتف ويطلع النقيب أشرف يقولك شيل البوست الهباب اللي أنت منزله بدل ما أنفخك”.

سحر حمدى هى كذلك سخرت من الأمر فقالت: “طب طمنتونى والله إنكم واخدين بالكم إن الطبقة المتوسطة هى اللى بتدفع فاتورة مش بتاعتهم.. إحنا ما كناش بتوع ٢٥ يناير وما كناش بنستفيد من دعم جماعات يمينية أو يسارية، وما كناش من عاصرى الليمون.. وإحنا نزلنا فى ٣٠ /٦ نصحح وضع مش إحنا إللى عملناه.. ودلوقتى بندافع عن بلدنا وبنستحمل الغلاء، وطبعا بنقدم تنازلات وبنربى عيالنا، وبنوعيهم من شرور الجماعات المندسة فى الجامعات، وعلى قد ما بنقدر بنهتم بمستوى التعليم.. واخدين بالكم أهو.. طب الحمد لله”.

لازم تستحملي

أما Haydy Hany فكتبت: “نشوى مصطفى نزلت على صفحتها فيديو تستغيث فيه بسبب غرق شقتها من شوية المطرة اللي نزلوا امبارح وحي التجمع كله غرق.. لازم تستحملي مش أحسن ما نبقى زي سوريا والعراق.. شوفي الدول الأوروبية بيحصل فيها كوارث وفيضانات إزاي.. بلاش تشوهي صورة بلدك احنا في ظروف صعبة ولازم نستحمل ولو مش عاجبك سيبي البلد وهاجري”.

يلا نزرع أرز

حساب باسم غرباء على فيس بوك قال: “شوية مطر استمروا لدقائق، نشوى مصطفى تستغيث: “بيتي بيغرق”، لا تعليق”.

تبعتها نهال الخطيب فقالت لها: “قولي للسيسي يزرع القصب والرز.. الميه اتوفرت أهه وزي الفل.