فيديو| مشهد من “كفر دلهاب” يناقش حجب المواقع الإلكترونية وبيع تيران وصنافير

“الجسر اتكسر والحمام الزاجل اتسم، في حد عاوز يحبسنا جوا الكَفر.. لو حصلت كارثة هنا محدش هيعرف عنها حاجة” هكذا لخص مشهد من مسلسل “كفر دلهاب” والذى يجرى عرضه فى رمضان عبر الفضائيات حال مصر بعهد العسكر.

وقد تفاعل والصحفى الداعم للانقلاب  تامر أبوعرب على المشهد بتدوينة عبر فيس بوك، اليوم الاثنين، قائلا: الحقيقة إن المشهد ده بيحصل في مصر دلوقتي بالضبط. الكارثة هي التجهيز لموافقة البرلمان على اتفاقية تيران وصنافير وتسليمها للسعودية قبل نهاية رمضان.

وواصل تفسير الحدث بالواقع، وتسبب قطع الجسر وقتل الحمام الزاجل حصل برضه على مدار الأيام اللي فاتت من أول ملاحقة، وحبس شباب أحزاب التحالف الديمقراطي اللي هي كانت المحرك الأهم والحاضن الرئيس لاحتجاجات الأرض في إبريل ٢٠١٦، وبعدها تحريك بلاغ تافه ضد خالد علي محطوط في الدرج من أكتر من سنة واحتجازه في القسم لمدة يوم، وتحديد جلسة عاجلة لمحاكمته ومعروف طبعا دور خالد في ملحمة تيران وصنافير، بعد أيام من إقرار قانون الهيئات القضائية اللي هيخليه يختار بنفسه القاضي اللي هينظر في أي طعن مستقبلي على أي قرار يخص تيران وصنافير.

وتابع: وأخيرا حجب المواقع اللي كان في البداية بحجة مواجهة المواقع القطرية لكنه امتد علشان يشمل أهم المواقع اللي لسة لم يتم السيطرة عليها بشكل كامل من الأجهزة ورجال الأعمال واللي كانت برضه صاحبة الصوت الأعلى في معركة تيران وصنافير الأولى.

وأشار “أبوعرب”: كده فعليا الجسر اتهد والحمام الزاجل مات، ولما يتاخد قرار تسليم تيران وصنافير للسعودية مش هيتسمع غير الروايات والتبريرات الرسمية، خصوصا لو تم ده في شهر رمضان حيث لا برامج توك شو ولا برامج سياسية ولا صوت يعلو فوق صوت المسلسلات ورامز جلال.

وأختتم حديثه ،تاني: قرار تسليم الجزر اتاخد والتنفيذ هيتم خلال أيام والأدوات اللي في إيدينا لمنع السيناريو ده محدودة جدا، لكن الأكيد إن علم مصر نزل من على تيران وصنافير هتنزل معاه شرعية السيسي القانونية للأبد بعد ما سقطت من زمان شرعيته الأخلاقية.

مذيلا التدوينة بقوله: أرض مصر أمانة بياخدها كل رئيس علشان يسلمها زي ما هي للي بعده، وبيع جزء منها بكام مليار دولار يحل بيهم النظام أزماته.. عار على الجميع.