“بوست تاريخي” يثير ضجة بين الرجال والنساء على “فيس بوك”

“الفرق بين الزوجة الشاطرة.. والزوجة اللى فاكرة نفسها شاطرة” حددتها الدكتورة مروة القسط، المتخصصة في الكتابة حول العلاقات الاجتماعية، في تدوينة مطولة على صفحتها بموقع التواصل الاجتماعي “فيس بوك” تحت عنوان “بوست تاريخي”، وتسببت في إحداث ضجة واسعة بين الرجال والنساء.

واعتمد البوست التاريخي على 10 نقاط للمقارنة بين نوعي الزوجات، وقارن بين الزوجة الشاطرة، والزوجة “اللي فاكرة نفسها شاطرة”، في ردود أفعال كلٍّ منهما على “شهر العسل، المكواة، تنظيف الشقة، العربية تغيير العربية، هدية عيد الجواز، مشاوير الأولاد، زيارة حماتها، الشغل”.

وتوالت التعليقات على “البوست التاريخي”، منها  :”Om Anas Mohamed””أنا شاطرة جدا جدا، واتعلمت من أمي إن كل حاجة كانت بتعملها مع بابا وأهله أنا بعمل عكسها بالظبط، لأني شفت النتيجة بدري، ومرضتش أكرر الخطأ، والدليل إن جوزي هو اللي خلاني أتابع د. مروة، وقرالي البوست ده وبينصح بيه إخواته”.

وأضافت  :”Asmaa Ahmed””والله لو الزوج من نفسه بيحس بزوجته وبيحاول على القدر المستطاع يريحها وميحسسهاش إنها اتجوزت عشان تتطبخ وتغسل وتكوى وتربى وتنشر     وتوصل ده وتجيب ده، وفى الآخر حتى مفيش تقدير، مفيش حتى هدية يجبهلها يحسسها بقيمتها أو يدخل عليها السرور، مش هو ده دينا وﻻ الرجالة مبتعرفش غير فى التعدد، الست اللي اتجوزت دى اتجوزت وسابت بيت أهلها اللى كانوا معيشنها أميره عشان تروح تعيش مع شخص يسعدها مش عشان تلقى نفسها فى الآخر وﻻ الخدامة”.

أما تعليقات الرجال فجاءت في غالبيتها هجومية ناقدة، منها Ahmed Shafiq”: “يا دكتورة إحنا كشباب بنشتغل فى مصر هنا أغلبنا فيما عدا الدكتور والمهندس مننا بنقبض من 1000 إلى 1500 ده لو بنشتغل، فعلى كلام حضرتك لو لقدر الله ربنا من عليه بزوجة من الشاطرين دول، أعتقد إن المرتب يا دوب هيكفى المكوة وممكن نجيب الشغالة مرة فى الشهر، ونقعد بقية الشهر لا أكل ولا شرب، فقط هنتكلم عن الشغالة الأسطورة وعن المكوجى البرنس”.

وتابع: “القصد إنه الراجل المحترم لو دخله يسمح مش هيخلى مراته تتعب وهيوفرلها كل سبل الراحة، بس مش عشان هى شاطرة وعاوزة ترحرح، لا.. عشان هى نفسها تعمل كل حاجة، بس هى ظروف شغلها أو دراستها أو صحتها مش بتسمح، هنا بيكون فى معنى التراحم بجد، مش مجرد زوجة عاوزة ترحرح عشان ما تحسش إنها اتظلمت”.

وأشعل M-Ali El Sabagh حدة الحديث حينما علق: “على فكرة لما تتجوزى هتلاقى الأمر مش بالوصف ده أبدا.. وأتحداكى إنك تعرفى تعملى الزوجة الشاطرة.. وبعدين هو زوج الشاطرة بتاعتك دى شغال بس رد فعل بناء على تصرفاتها.. مفيش مرة هيكون هو الفعل مش رد الفعل.. مش هياخد المبادرة هو أبدا ويعمل حاجة… على فكرة فى برضة الزوج الذكى اللى بيعرف يعمل إيه وإمتى”.

 رابط البوست التاريخي