‫الرئيسية‬ تواصل اجتماعي هل تتوقف محطات المياه عن العمل بعد غرق 500 طن فوسفات في النيل؟
تواصل اجتماعي - أبريل 22, 2015

هل تتوقف محطات المياه عن العمل بعد غرق 500 طن فوسفات في النيل؟

أثار خبر غرق ناقلة بترول عسكرية- مما تسبب في سقوط 500 طن فوسفات في مياه النيل- موجة من الهلع على مواقع التواصل الاجتماعي، مؤكدين أن هذا الأمر خطير.

وقال الناشط محمد عطية في تدوينة: “النهارده في قنا في 500 طن فوسفات (500 ألف كيلو) غرقوا في مياه النيل.. متتخضش.. دي كارثة بيئية بسيطة زي انفجار مفاعل تشيرنوبيل كده، فالإعلام بيتعامل معاها بسلاسة، فلو حضرتك بجد عندك نية حقيقية ميجيلكش كل الأمراض اللي لسه ملقولهاش علاج يا ريت متشربش من الحنفية، ولا تاكل أي سمك بيطلع من النيل خالص.. انقطع عن النيل والأكل منه لشهور.. اشرب مياه معدنية فقط حتى لو معكش فلوس تاكل.. الموضوع بجد مش هزار”، بحسب وصفه.

فيما قال الناشط حسام مجدي: “يا جماعة في مصيبة بيئية حصلت في مصر.. لو كانت حصلت فأي دولة محترمة في العالم كانوا أعلنوا حالة الطوارئ القصوى وبدأ الإعلام والمدارس والمراكز توعي الناس بالإجراءات اللي المفروض يخدوها عشان اللي حصل ده..في 500 طن فوسفات غرقوا في مياه النيل عند قنا.. أيوه 500 طن يعني 500 ألف كيلو.. لو حابب تعرف مدى الضرر اللي ممكن يسببه ارتفاع طفيف في نسبة الفوسفات في المياه ممكن سيادتك تكتب في جوجل: phosphate pollution effects.. صدقني مش هتشرب مياه تاني من الحنفية لمدة سنة على الأقل..

وبما إن الإعلام بيتعامل مع الحادثة باعتبارها حادثة سير عادية مش مصيبة بيئية رهيبة فأحب أحذر صحابي والناس اللي بتشوف الكلام ده إنها متشربش أي مياه من الحنفية أو حتى من الفلتر لمدة شهور على الأقل.. ولغاية ما يتم التأكد أنهم انتشلوا الأطنان دي.. وتقعد بعدها شهر على الأقل كمان متشربش منها.. المدة دي اجتهاد مني بما أن مفيش حد طلع قالنا نعمل إيه في المصيبة دي لغاية دلوقتي و الإعلام مشغول باستضافة زينا لتهنئتها بنسب الولاد لأحمد عز ..

المياه المعدنية لازم تبقى أسلوب حياة بالنسبة لك لو مش عايز يجيلك سرطان أو عجز جنسي أو مشاكل في البصر أو التنفس.. طبعًا مش هتكلم إن أي سمك نيلي لازم تتعامل معاه على أنه نوع مدمر من المخدرات يجب عدم الاقتراب منه لفترة لا بأس بها.. مش عارف تأثير ده هيبقى إيه في المنتجات الزراعية اللي بتتروي مباشرة من مياه الري.. بس أنا حزين والله.. مش بس عشان ده حصل.. عشان أقصى تعاطي مع الموضوع هوه إن سيادة وزير الري وجّه السادة المسئولين بإغلاق محطات الشرب!.. في حين أن أي دولة تانية كان طلع رئيس الوزراء ونبّه على المواطنين يعملوا إيه في الكارثة دي ووضح هوه يتعامل معاها ازاي والخطوات اللي هتتاخد عشانها!.. بس عادي يعني احنا فمصر.. المهم دلوقتي ناخد بالنا من صحتنا أو صحة ولادنا على الأقل.. وننشر الكلام ده لناس كتير عشان تاخد بالها.. ومتشتروش أي مياه معدنية برضه لأن فيه انواع مخالفة لمعايير السلامة الصحية وفيه شركات بتبيع من غير تصريح.. خليك في الأنواع المشهورة أفضل”، بحسب قوله.

فيما نفى المتحدث باسم القابضة لمياه الشرب هذا الكلام، قائلاً إن الفوسفات يترسب في قاعة النيل ولا يتحرك مع المياه وأنه تم إغلاق محطات الشرب لمنع انتقال المياه وانتداب خبراء لحل المشكلة.

وقال الناشط السياسي عز الدين دويدار إن غرق ناقلة عسكرية في النيل وحمولتها ٥٠٠ طن فوسفات حجري خطير جدًّا قائلاً: الكمية دي بيستخرج منها ١٠ كيلو جرامات يورانيوم مشع، وهي كمية كافية لإبادة أجيال من المصريين، سواء كيورانيوم أو كفوسفات.. من هذه اللحظة مصر منكوبة ومياهها مسرطنة وقاتلة.. الحكومة مش عارفة تتصرف ولا قادرة تطلع بيان.. أكيد بيدوروا على كذبة يقولوها للمنكوبين في مصر #لا_تشرب_من_النيل.. لا تشرب إلا مياهًا معدنية أو منقولة من آبار صحراوية.. هذا الأمر صعب لكن حتى يكون هناك حل ما (لا أعتقد وجوده إلا بجهود دوليه فائقة التطور)

حتى توفر هذا فلا تشرب من مياه النيل.. الأمر كارثة حقيقية لا تستهين بها.. السرطان والعجز الجنسي وتشوهات الأجنة والأمراض الجلدية والكبدية.. أصبح كل ذلك متاحًا بفرص متساوية لجميع المصريين لأجيال قادمة بلا أي تهويل

الحل النهائي تشرب وتطبخ بمياه معدنيه.. أو تهاجر من مصر فورًا.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

‫شاهد أيضًا‬

إعلان وفاة.. هل أتم الصهاينة سيطرتهم على الجامعة العربية؟

ربما يعلم العدو الصهيوني أن كلمة واحدة تخرج من على منبر جموعي واحد، تفعل ما لا تفعله مئات …