نشطاء ينتقدون تعمد إظهار “البحيري” لإهانة المصريين

أثار ظهور منى البحيري، صاحبة عبارة “شت أب يور ماوس أوباما” في برنامج المواهب ” Arabs Got Talent”، والذي يعرض على قنوات الـ”mbc”، غضب وسخرية نشطاء مواقع التواصل الاجتماعي، الذين اعتبروها إهانة للشعب المصري وإظهارهم بمظهر الجاهلين باللغة الإنجليزية.

وكانت “البحيري” قد ظهرت بالبرنامج لتوجه رسالة للرئيس الأمريكي باراك أوباما بلغة إنجليزية ركيكة، مما دفع لجنة التحكيم لرفض استمرار مشاركتها بالبرنامج.

شاهد مشاركة منى البحيري بـ” Arabs Got Talent”:

وكشف أحد العاملين بالبرنامج، ويدعى علي غزلان، عن سعى القناة لإظهار “منى”؛ حيث قال في تعليق له: “أنا كنت مقدما في البرنامج ده، وهما اللي طلبوها وكلموها عشان تيجي تعمل عرض، وراحت الاختبارات في القاهرة ونجحوها من غير ما تعمل عرض أصلا”.

وأضاف غزلان: “هما نجحوها عشان يسفروها تعمل أي هبل هناك، والناس تضحك عليها وياخدوا views كتير على اليوتيوب .. وتسوء سمعة مصر ع الفاضي .. للأسف .. أنا شايف إنها قلة أدب وعدم احترام أكتر من إنه شيء مضحك”.

واتهم عدد من النشطاء القناة، بتعمد إظهارها للحصول على مشاهدات على حساب سمعة الشعب المصري، فقالت Shada Yasseen:” هي مش رايحة لوحدها…mbc قناة محترمة وإدارتها محترمة ودافعينلها أكيد …الغلط مش عليها لوحدها، الغلط على القناة اللي رايحة تشوفها فين وتجيبها وتدفعلها كمان…أصلا دي الصورة اللي دايما mbc بتعكسها عن مصر…فين الناس المتعلمة والمثقفة والشيك والنضيفة…مبيطلعوش ليه على mbc أو mbc مصر؟”.

وبغضب شديد قالت فاطمة محمد: “دى وقاحة من البرنامج لإن بيحصل اختبارات للقبول قبل ما تتطلع على المسرح، الست دى لا تمثلنى .. لا تمثل المصريين .. مصر فيها علماء ومثقفون عيب لما تتريقوا علينا .. أنا كمصرية أرفض سياسة البرنامج وأوصفها بالوقاحة”.

كما وجه Ahmed Sami رسالة إلى إدارة MBC مصر، قائلا: “أنا مش فاهم إيه فكرة ظهور مدام منى البحيري بالمنظر المخزي المهين ده في برنامج ملوش علاقة خالص باللي قالته؟! هل الهدف هو الاتجار بسذاجة واحد من المصريين البسطاء متواضعي الثقافة؟”.

وختم حديثه قائلا: “أنا وناس كتير منتظرون توضيح أو اعتذار عن السقطة دي”.

أما الناشط السوري “Ahmed Al Zayed” فقال: “هذه المخلوقة لا تمثل الشعب المصري العريق.. مصر العلماء.. مصر التاريخ.. مصر الحضارة.. مصر الأبطال.. مصر أم الدنيا.. مصر الأزهر الشريف” وقام بالتوقيع تحت اسم “سوري محب لمصر”.

ومن جانبها سخرت Yasmine Z. Abdallah:” لهذه الأسباب كانوا يدفنونا ونحن أحياء”، في إشارة منها على عمليات وأد الإناث التي كانت منتشرة في الجاهلية.

واستشهدت مروة السيد بشخصية “ميرفت” مدرسة اللغة الإنجليزية في فيلم “عسل إسود”، قائلة: “دي ضحية أبلة “مرفت” بتاعة الإنجليزي، سنك يو فري ماتش”.

وقالت آية محمد: “اللى فضحانا في المحطات الفضائية”.

ورأى بعض النشطاء أن ظهور منى البحيري طبيعي، نظرًا لما تمر به مصر، منذ انقلاب 3 يوليو 2013، حيث قال El-Mister Waheed:” خير من يمثل مصر في عهد الانقلاب”، وأضافت هند عمر: “هي تمثل النموذج الحقيقي لمؤيدي السيسي”.

وتهكمت Eman Gaballah قائلة: “إيه الست الغريبة اللي رايحة تثبت للعالم كله فشلنا في تعليم الإنجليزي ده.. إيه الست دي.. إيه يا شيخة .. إيه يا شيخة.. ربنا ع المفتري يا شيخة”.

بينما علقت سارة طارق بسخط شديد: “انتي ليه تهزقي نفسك بالشكل ده، الشعب كله بيضحك عليكي، حرام عليكي ده برنامج مواهب مش عربية كبدة”.

وبنفس لغة منى البحيري، قالAhmed Khattab Amk :” أنا في رسالة عايز أوصلها للكائن ده بلغته، يا ريت توصلوهالوا.. شات اب يور فكنج إنجليش بليظ.. أبوس شبشب أمك بطلي إنجليش.. فقعتيلي ماي فكنج مرارة”.

وتسألت ياسمين عبد الفتاح قائلة: “هي الست دي إزاي قابلة وسعيدة بالإهانة لنفسها كده !! طيب ولادها….جوزها…..أهلها…..أي نملة في بيتها تعترض.. لا حول ولا قوة إلا بالله العلي العظيم.. عن الست صاحبة ” شات اب يور ماوث أوباما”.