نشطاء ينشرون سيناريو “تسريب السفارات”

قلد العديد من النشطاء، تسريب قيادات القوات المسلحة الذي تم نشره مؤخرا حول بناء سجن “مخصوص” للرئيس محمد مرسي؛ بناء على اتصال النائب العام باللواء ممدوح شاهين، حيث كرر النشطاء سيناريو التسريب على أزمة السفارات التي أغلقت مقراتها مؤخرا.

وأكدوا من خلال ما نشروه، أنه لا مشكلة مطلقا في إغلاق السفارات؛ حيث إنه من السهل بناء سفارات، وتعليق لافتات بأسماء السفارات عليها.

وفي السطور التالية ننشر ما كتبه عمار حسن، أحد نشطاء” فيس بوك” حول غلق السفارات:

حجازي: ما هو احنا لو عندنا استشارات قانونية قوية، مكناش احنا دلوقتي قاعدين بنلم في جوازات وفيز.
شاهين: احنا هنكلم وزير الخارجية نحل معاه الموضوع.
عباس: وزير الخارجية ع التليفون يا افندم.
شاهين: ازيك يا معالي الباشا، أنا آسف على إزعاج حضرتك، مايؤمرش على سيادتك ظالم، دلوقتي مندوبنا في الأمم المتحدة كلمني وبيقولي أرجوكم اتصرفوا اعملوا أي حاجة، مفيش ولا دولة راضية تقابله، والموقف أصبح خطيرا جدا، فاتصرفوا افتحوا سفارات جديدة، اعملوا أي حاجة عشان بالوضع ده هتتفرض علينا عزلة دولية، تجبرنا إن مرسي يطلع بكرة.

صوت الآذان يظهر في خلفية الصوت
شاهين: بص حضرتك احنا هنقول إن السفارات دي جاتلها قرارات إزالة، وأنا لسه قافل مع وزير التنمية الإدارية هيطلعلنا قرارات إزالة بتواريخ قديمة، وهنكلم بتوع الهندسية يظبطوا الهناجر اللي عندنا، ويعملوها سفارات في 72 ساعة، وحضرتك هتطلع لنا تصريح بتاريخ قديم، يثبت بإن دي سفارات رسمية تابعة لوزارة الخارجية من زمان، وتم نقل موظفين السفارات فيها، بحيث إن لو أي حد راح يتأكد إنها تبع وزارة الخارجية ، متشكر جدا يا افندم.

حجازي: احنا بقى دلوقتي المفروض نجهز الهناجر، كلم لنا أسامة.
شاهين: أسامة بيه ازي حضرتك يا فندم، دلوقتي أنا كلمت وزير الخارجية واتفقت معاه على كل حاجة، وهو هيطلعلنا تصاريح بتاريخ قديم بإن الهناجر اللي تبع حضرتك دي سفارات، لا طبعا مش هنقول هنجر مقدرش أقول هنجر، احنا هنستنى الخارجية تبعتلنا أسامي السفارات ويافطة إيه، هابلغك بالاسم تلزقهالنا علطول ، صوت سيادتك بيقطع يا فندم، آه كده تمام.

يظهر صوت عباس في الخلفية: استنى كمان ربع ساعة عشان فيه كام موضوع منيل بنخلصه.
شاهين: يافندم احنا هنبعت لحضرتك كام ولد من بتوع الـ Auc يقفوا هناك ومعاهم لابتوباتهم ومكاتبهم، وكام عسكري أمن مركزي ندهن وشوشهم ونلبسهم باروكات، ونجيب كام عربية مرسيدس نرميهم ورا، بحيث لو جت معاينة في أي وقت نقولهم السفارات أهي ومفيش حاجة من الكلام الفاضي ده، خلاص يا فندم في انتظار معاليك، إن شاء الله.

أسامة: دي كده الوحدة العسكرية، دي كده الهناجر قصدي السفارات.
شاهين: لينا دي يا معالي الباشا.
أسامة: لا، دي 3 نجوم احنا هنعملك سفارة 5 نجوم تليق بمقامك.
عباس: ده أساسا لو سابونا نلحق من أساسه نروح المطار؟!.